2014 جىلعى 3 قاراشا, استانا قالاسى
تاۋارلىق جانە سۇيىتىلعان مۇناي گازىن بولشەك ساۋدادا وتكىزۋ جانە پايدالانۋ قاعيدالارىن بەكىتۋ تۋرالى
«گاز جانە گازبەن جابدىقتاۋ تۋرالى» قازاقستان رەسپۋبليكاسىنىڭ 2012 جىلعى 9 قاڭتارداعى زاڭى 6-بابىنىڭ 14) تارماقشاسىنا سايكەس بۇيىرامىن:
1. قوسا بەرىلىپ وتىرعان تاۋارلىق جانە سۇيىتىلعان مۇناي گازىن بولشەك ساۋدادا وتكىزۋ جانە پايدالانۋ قاعيدالارى بەكىتىلسىن.
2. قازاقستان رەسپۋبليكاسى ەنەرگەتيكا مينيسترلىگىنىڭ گاز ونەركاسىبىن دامىتۋ دەپارتامەنتى:
1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن;
2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ بۇقارالىق اقپارات قۇرالدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرىلۋىن;
3) وسى بۇيرىقتىڭ قازاقستان رەسپۋبليكاسى ەنەرگەتيكا مينيسترلىگىنىڭ ينتەرنەت-رەسۋرسىندا ورنالاستىرىلۋىن قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى ەنەرگەتيكا مينيسترلىگىنىڭ جەتەكشىلىك ەتەتىن ۆيتسە-مينيسترىنە جۇكتەلسىن.
4. وسى بۇيرىق العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
مينيستر ۆ.شكولنيك.
قازاقستان رەسپۋبليكاسى ەنەرگەتيكا ءمينيسترىنىڭ
2014 جىلعى 3 قاراشاداعى №96 بۇيرىعىمەن بەكىتىلگەن
تاۋارلىق جانە سۇيىتىلعان مۇناي گازىن بولشەك
ساۋدادا وتكىزۋ جانە پايدالانۋ قاعيدالارى
وسى تاۋارلىق جانە سۇيىتىلعان مۇناي گازىن بولشەك ساۋدادا وتكىزۋ جانە پايدالانۋ قاعيدالارى (بۇدان ءارى – قاعيدالار) «گاز جانە گازبەن جابدىقتاۋ تۋرالى» قازاقستان رەسپۋبليكاسىنىڭ 2012 جىلعى 9 قاڭتارداعى زاڭىنا (بۇدان ءارى – زاڭ) سايكەس ازىرلەنگەن جانە تاۋارلىق جانە سۇيىتىلعان مۇناي گازىن بولشەك ساۋدادا وتكىزۋ جانە پايدالانۋ ءتارتىبىن ايقىندايدى.
1. جالپى ەرەجەلەر
1. وسى قاعيدالاردا مىناداي نەگىزگى ۇعىمدار پايدالانىلادى:
1) گاز – تاۋارلىق گاز جانە (نەمەسە) سۇيىتىلعان مۇناي گازى;
2) گازدى ارتىق جۇمساۋ – گازدى جەتكىزۋدىڭ (تۇتىنۋدىڭ) تاۋلىكتىك نورماسىنان اسىپ كەتەتىن كولەمدە تۇتىنۋشىنىڭ گازدى ىرىكتەپ الۋى;
3) گاز قۇبىرىنداعى گازدىڭ تەحنولوگيالىق قورى – گازدى تاسىمالداۋدىڭ جۇمىس رەجيمىن قامتاماسىز ەتۋ ءۇشىن گاز قۇبىرىنداعى قاجەتتى گازدىڭ ەڭ از كولەمى;
4) گاز جەتكىزۋدىڭ (تۇتىنۋدىڭ) ورتاشا تاۋلiكتiك نورماسى – شارتپەن بەلگىلەنگەن ءبىر ايداعى گاز كولەمىن ءتيىستى ايدىڭ كۇنتىزبەلىك كۇندەرىنە ءبولۋ جولىمەن ايقىندالاتىن گاز كولەمى;
5) گازدى جەتكىزۋدىڭ (تۇتىنۋدىڭ) تاۋلiكتiك نورماسى – تاراپتاردىڭ كەلىسىمى بويىنشا ديسپەتچەرلىك كەستەمەن بەلگىلەنگەن تاۋلىكتىك گاز كولەمى;
6) گاز تۇتىنۋ برونى – وتىننىڭ رەزەرۆتىك تۇرلەرىن بارىنشا پايدالانعان جاعدايدا تۇتىنۋشىلارعا گاز جەتكىزۋ قازاقستان رەسپۋبليكاسىنىڭ زاڭدارىنا جانە وزگە دە نورماتيۆتىك قۇقىقتىق اكتىلەرگە سايكەس گاز جەتكىزۋدىڭ توقتاتىلۋى نەمەسە وسى شەكتەن ازايتىلۋى مۇمكىن ەمەس تۇتىنۋشىلاردى ۇزدىكسىز جانە اۆارياسىز تەحنولوگيالىق جابدىقتاۋ جۇمىسى ءۇشىن قاجەتتى ەڭ از گاز تۇتىنۋ كولەمى;
7) ديسپەتچەرلىك كەستە – جەتكىزۋشىنىڭ تاسىمالداۋشىعا بەرگەن وتىنىمىنە سايكەس گاز جەتكىزۋدىڭ ساعاتتىق كەستەسى;
8) ەسەپ ايىرىسۋ كەزەڭى – بەرىلگەن گازدىڭ كولەمى انىقتالاتىن, جەتكىزۋشى, گاز تاسىمالداۋ, گاز تاراتۋ, گاز جەلىسى ۇيىمدارى اراسىنداعى بەرىلگەن گاز ءۇشىن ءوزارا ەسەپ ايىرىسۋ جۇرگىزىلەتىن كەزەڭ. تاراپتارمەن كەلىسىلگەن ەسەپ ايىرىسۋ كەزەڭى شارتتا كورسەتىلەدى;
9) جەتكىزۋ – گازدى بولشەك ساۋدادا وتكىزۋ جونىندەگى قىزمەت;
10) جەتكىزۋشى – زاڭمەن جانە وسى قاعيدالارمەن بەلگىلەنگەن جاعدايلاردا گازدى بولشەك ساۋدادا وتكىزۋدى جۇزەگە اسىراتىن تۇلعا;
11) تاسىمالداۋشى – گاز تاسىمالداۋ نەمەسە گاز تاراتۋ ۇيىمى;
12) تەحنيكالىق جاعدايلار – گازبەن جابدىقتاۋ جۇيەسىنىڭ وبەكتىلەرىن سالۋعا, تۇتىنۋشىنى سۇراتىلاتىن (ەسەپ ايىرىسۋ) پارامەترلەرگە قوسۋعا, گازبەن جابدىقتاۋ جۇيەسى وبەكتىسىنىڭ باستاپقى جوبالىق شەشىمىن وزگەرتۋگە گاز تاراتۋ نەمەسە گاز جەلىسى ۇيىمى بەرەتىن قۇجات;
13) تۇتىنۋشى – تۇرمىستىق, كوممۋنالدىق-تۇرمىستىق نەمەسە ونەركاسىپتىك تۇتىنۋشى;
14) ۋاكىلەتتى ورگان – گازدى ءوندىرۋدى, تاسىمالداۋدى (تاسۋدى), ساقتاۋدى جانە كوتەرمە ساۋدادا وتكىزۋدى, سونداي-اق ەلدى مەكەندەردىڭ شەكارالارى شەگىنەن تىس تاۋارلىق جانە سۇيىتىلعان مۇناي گازىن بولشەك ساۋدادا وتكىزۋدى جانە تۇتىنۋدى مەملەكەتتىك رەتتەۋدى جۇزەگە اسىراتىن ورتالىق اتقارۋشى ورگان.
وسى قاعيدالاردا پايدالانىلاتىن وزگە دە تەرميندەر مەن انىقتامالار زاڭعا سايكەس قولدانىلادى.
2. تاۋارلىق گازدى بولشەك ساۋدادا وتكىزۋ ءتارتىبى
2. مىنالار تاۋارلىق گازدى تۇتىنۋشىلارعا جەتكىزۋشىلەر بولىپ تابىلادى:
1) ۇلتتىق وپەراتور;
2) گاز تاراتۋ ۇيىمدارى;
3) اۆتو گاز تولتىرۋ كومپرەسسورلىق ستانتسيالارىنىڭ يەلەرى;
4) گاز تۇتىنۋ جۇيەلەرى ماگيسترالدىق نەمەسە جالعاستىرۋشى گاز قۇبىرىنا تىكەلەي قوسىلعان ونەركاسىپتىك تۇتىنۋشىلارعا تاۋارلىق گاز بولشەك ساۋدادا وتكىزىلگەن جاعدايدا, تاۋارلىق گازدى وندىرۋشىلەر, وزدەرى وندىرگەن شيكى گازدى وڭدەۋ پروتسەسىندە وندىرىلگەن تاۋارلىق گازدىڭ مەنشىك يەلەرى بولىپ تابىلاتىن جەر قويناۋىن پايدالانۋشىلار, قازاقستان رەسپۋبليكاسىنىڭ اۋماعىنان تىسقارى جەردە وندىرىلگەن جانە تۇتىنۋ ءۇشىن قازاقستان رەسپۋبليكاسىنىڭ اۋماعىنا اكەلىنگەن تاۋارلىق گازدىڭ مەنشىك يەلەرى.
3. ونەركاسىپتىك جانە كوممۋنالدىق-تۇرمىستىق تۇتىنۋشىلار تاۋارلىق گازدى جەتكىزۋشىلەردەن قازاقستان رەسپۋبليكاسىنىڭ ازاماتتىق زاڭناماسىنا سايكەس جاسالعان شارتتاردىڭ نەگىزىندە ساتىپ الادى.
4. تۇتىنۋشىلاردى گازداندىرۋ مۇمكىندىگىن ماگيسترالدىق گاز قۇبىرى مەن گاز تاراتۋ جەلىسىنىڭ وتكىزۋ قابىلەتى ەسكەرىلىپ تاسىمالداۋشى مەن ايقىندالادى.
5. گازدى تيىسىنشە جەتكىزۋ ءۇشىن قۇقىقتىق جانە تەحنيكالىق شارتتاردىڭ بولۋى تاۋارلىق گازدى بولشەك ساۋدادا وتكىزۋ شارتىن جاساسۋ جاعدايلارى بولىپ تابىلادى, ونىڭ ىشىندە:
1) تۇتىنۋشى تاراپىنان – گاز تۇتىنۋ جۇيەلەرىنە تەحنيكالىق قىزمەت كورسەتۋ شارتىن جاساسقان, گاز تۇتىنۋ جۇيەسىن (تەحنيكالىق شارتتار, گازبەن جابدىقتاۋ جوباسى, گاز تۇتىنۋ جابدىعىنىڭ پاسپورتتارى) پايدالانۋ جونىندەگى رۇقسات قۇجاتتارىنىڭ بولۋى;
2) جەتكىزۋشى تاراپىنان – گازدىڭ ءتيىستى كولەمى تۋرالى راستاۋ قۇجاتىنىڭ بولۋى (گاز ساتىپ الۋ شارتى).
6. ولار ءۇشىن رەزەرۆتىك (اۆاريالىق) رەتىندە وتىننىڭ باسقا تۇرلەرى بەلگىلەنگەن كوممۋنالدىق-تۇرمىستىق جانە ونەركاسىپتىك تۇتىنۋشىلارمەن جاسالعان شارتتاردا, تۇتىنۋشىنىڭ گاز شىعىنىن كۇز-قىس كەزەڭىندە گازدى تۇتىنۋ برونى دەڭگەيىنە دەيىن قىسقارتۋ كوزدەلەدى.
7. تۇتىنۋشىلاردى گازبەن قامتاماسىز ەتۋ بىرىڭعاي گاز جەلىلەرى وبەكتىلەرىن, اسپاپتار مەن جابدىقتاردى پايدالانۋ كەزىندە تۇتىنۋشىلار قاۋىپسىزدىك شارالارىن ساقتاعاندا, گاز قۇبىرلارىنىڭ, جابدىقتاردىڭ, قۇرىلىستار مەن ەسەپكە الۋ اسپاپتارىنىڭ تەحنيكالىق جاي-كۇيى دۇرىس (جارامدى), سونداي-اق قازاقستان رەسپۋبليكاسى زاڭدارىنىڭ تالاپتارىنا, ستاندارتتارى مەن نورماتيۆتەرىنە سايكەس بولعان كەزدە جۇرگىزىلەدى.
8. جەتكىزۋشى گاز جەتكىزۋدىڭ بەلگىلەنگەن ورتاشا تاۋلىكتىك نورماسىنىڭ شەگىندە ءبىر اي ىشىندە تەڭ كولەمدە, ال قاجەت بولعان جاعدايدا تاراپتار مەن تاسىمالداۋشىنىڭ كەلىسىمىمەن ديسپەتچەرلىك كەستە بويىنشا جەتكىزەدى, ال تۇتىنۋشى (تۇرمىستىق تۇتىنۋشىنى قوسپاعاندا) ونى الادى (ىرىكتەپ الادى).
9. كۇز-قىس كەزەڭىندە تەمپەراتۋرانىڭ اۋىتقۋىنا قاراي گاز جەتكىزۋدىڭ (تۇتىنۋدىڭ) ورتاشا تاۋلىكتىك نورماسىنىڭ اسىپ كەتۋى گاز قويماسىنداعى گازدىڭ تەحنولوگيالىق قورى ەسەبىنەن, سونداي-اق گاز يەسىمەن (ەگەر جەتكىزۋشى يەسى بولىپ تابىلماسا) جانە تاسىمالداۋشىمەن كەلىسىم بويىنشا جەتكىزۋشىنىڭ باسقا دا كوزدەرى ەسەبىنەن جابىلۋى مۇمكىن. مۇنداي جاعدايدا گازدى نورماتيۆتەن ارتىق ىرىكتەپ الۋ گاز جەتكىزۋدىڭ (تۇتىنۋدىڭ) ورتاشا تاۋلىكتىك نورماسىنىڭ 5 %-نان اسىپ كەتۋى مۇمكىن ەمەس.
10. گازدى بولشەك ساۋدادا وتكىزۋدىڭ (تۇتىنۋدىڭ) ورتاشا تاۋلىكتىك نورماسى 5 %-دان اسقان جاعدايدا تاسىمالداۋشىعا جەتكىزۋشىنىڭ كەلىسىمى بويىنشا وسى تۋرالى تۇتىنۋشىنى ەسكەرتكەن ساتتەن باستاپ ءۇش ساعات وتكەننەن كەيىن گاز جەتكىزۋدىڭ (تۇتىنۋدىڭ) ورتاشا تاۋلىكتىك نورماسىنا دەيىن گازدى جەتكىزۋگە ءماجبۇرلى تۇردە شەكتەۋ جۇرگىزۋگە قۇقىق بەرىلەدى.
11. اي سايىن گاز جەتكىزۋدىڭ اركەلكىلىگىنە ونى تۇرمىستىق تۇتىنۋشىلارعا جەتكىزۋ كەزىندە عانا جول بەرىلەدى.
تۇرمىستىق تۇتىنۋشىلاردىڭ جىلۋ ەنەرگياسىنا دەگەن قاجەتتىلىكتەرىن قامتاماسىز ەتەتىن قازاندىقتار مەن جىلۋ ەلەكتر ستانتسيالارىنا گاز جەتكىزۋدىڭ اركەلكىلىگىنە وسى قاعيدالاردىڭ جانە جەتكىزۋشى مەن تۇتىنۋشى اراسىندا جاسالعان شارتتىڭ تالاپتارىمەن نەگىزدەلگەن نورمالار شەگىندە جول بەرىلەدى.
12. جەتكىزۋشىنىڭ كەلىسىمىنسىز تاۋارلىق گاز ارتىق جۇمسالعان كەزدە تۇتىنۋشى شارتتا بەلگىلەنگەن كولەمنەن ارتىق الىنعان (ىرىكتەپ الىنعان) گاز كولەمىنىڭ قۇنىن جانە ءاربىر تاۋلىك ءۇشىن گاز تاسىمالىنىڭ قۇنىن مىناداي كوەففيتسيەنتتى قولدانا وتىرىپ قوسىمشا تولەيدى:
1) 15 ساۋىردەن باستاپ 15 قازانعا دەيىن – 1,2;
2) 15 قازاننان باستاپ 15 ساۋىرگە دەيىن – 1,5.
وسى قاعيدا تۇرمىستىق تۇتىنۋشىلار جۇمساعان گاز كولەمى ءۇشىن تارالمايدى.
13. تاۋارلىق گازدى بولشەكتى ساۋدادا وتكىزۋ شارتتارىندا كوزدەلگەن گاز قىسىمى ونى تۇتىنۋشىنىڭ گاز جەتكىزۋدىڭ (تۇتىنۋدىڭ) ورتاشا تاۋلىكتىك نورماسى شەگىندە ىرىكتەۋ جاعدايىندا ساقتالادى.
14. گاز تولىق ىرىكتەلىپ الىنباعان جاعدايدا تۇتىنۋشى كەيىن گازدى جەتكىزۋدىڭ تاۋلىكتىك نورماسىنىڭ شەگىندە گاز جەتكىزۋدى ارتتىرۋدى تالاپ ەتە الادى.
15. تۇتىنۋشىلار گازبەن قامتاماسىز ەتۋدىڭ باسىمدىعى بويىنشا مىناداي ساناتتارعا بولىنەدى:
1) تۇرمىستىق تۇتىنۋشىلار;
2) كوممۋنالدىق-تۇرمىستىق تۇتىنۋشىلار;
3) تەحنولوگيالىق پروتسەستىڭ ۇزدىكسىز تسيكلى بويىنشا ونىمدەر شىعارۋ ءۇشىن گازدى شيكىزات نەمەسە وتىن رەتىندە پايدالاناتىن تۇتىنۋشىلار;
4) كوكتەم-قىس كەزەڭىندە ولاردى گازبەن جابدىقتاۋ زاڭنامادا بەلگىلەنگەن تارتىپپەن ولاردى وتىننىڭ رەزەرۆتىك تۇرىنە جارتىلاي نەمەسە تولىق كوشىرۋ جولىمەن رەتتەۋى ءتيىس ەلەكتر ستانتسيالارى مەن ونەركاسىپتىك كاسىپورىندار;
5) قالعان تۇتىنۋشىلار.
3. سۇيىتىلعان مۇناي گازىن بولشەك ساۋدادا وتكىزۋ ءتارتىبى
16. مەنشىك قۇقىعىندا نەمەسە وزگە دە زاڭدى نەگىزدەردە تيەسىلى كومىرسۋتەگى شيكىزاتىن وڭدەۋ پروتسەسىندە وندىرىلگەن سۇيىتىلعان مۇناي گازىن وندىرۋشىلەر, ونىڭ مەنشىك يەلەرى قازاقستان رەسپۋبليكاسىنىڭ اۋماعىنان تىسقارى جەردە وندىرىلگەن جانە تۇتىنۋ ءۇشىن قازاقستان رەسپۋبليكاسىنىڭ اۋماعىنا اكەلىنگەن سۇيىتىلعان مۇناي گازىنىڭ مەنشىك يەلەرى سۇيىتىلعان مۇناي گازىن بولشەك ساۋدادا وتكىزۋدى ونەركاسىپتىك تۇتىنۋشىلارعا عانا جۇزەگە اسىرادى.
17. سۇيىتىلعان مۇناي گازىن ونەركاسىپتىك تۇتىنۋشىلارعا بولشەك ساۋدادا وتكىزۋدى وسى قاعيدالاردىڭ 20-تارماعىندا كورسەتىلگەن تۇلعالار عانا, سونداي-اق گاز جەلىسى ۇيىمدارى جۇزەگە اسىرادى.
18. سۇيىتىلعان مۇناي گازىن ونەركاسىپتىك تۇتىنۋشىلارعا بولشەك ساۋدادا وتكىزۋ جاپپاي ادىسىمەن (كيلوگرامم, توننا) جۇزەگە اسىرىلادى.
19. سۇيىتىلعان مۇناي گازىن تۇرمىستىق جانە كوممۋنالدىق-تۇرمىستىق تۇتىنۋشىلارعا:
1) گاز جەلىسى ۇيىمدارىمەن – توپتىق رەزەرۆۋارلىق قوندىرعىلار ارقىلى جانە تۇرمىستىق باللونداردا;
2) گاز تولتىرۋ پۋنكتتەرىنىڭ يەلەرىمەن – تۇرمىستىق باللونداردا;
3) اۆتوگاز قۇيۋ ستانتسيالارىنىڭ يەلەرىمەن – كولىك قۇرالدارىن گاز تاراتۋ كولونكالارى ارقىلى قۇيۋ جولىمەن جەتكىزۋ.
20. تۇتىنۋشىلارعا توپتىق رەزەرۆۋارلىق قوندىرعىلار ارقىلى سۇيىتىلعان مۇناي گازىن بولشەك ساۋدادا وتكىزۋ وسىنداي تۇتىنۋشىلارمەن جاسالعان سۇيىتىلعان مۇناي گازىن بولشەك ساۋدادا وتكىزۋ شارتىنىڭ نەگىزىندە گاز جەلىسى ۇيىمى جۇزەگە اسىرادى.
21. توپتىق رەزەرۆۋارلىق قوندىرعىلار ارقىلى تۇتىنۋشىلار مەن گاز جەلىسى ۇيىمى اراسىندا سۇيىتىلعان مۇناي گازىن بولشەك ساۋدادا وتكىزۋ شارتى ءاربىر تۇتىنۋشىمەن جەكە جانە دە گاز جەلىسى ۇيىمى شارت جاعدايلارىن بۇقارالىق اقپارات قۇرالدارىندا جاريالاۋ (جاريا شارت) جولىمەن دە جاسالادى.
22. گازدى تيىسىنشە جەتكىزۋ ءۇشىن قۇقىقتىق جانە تەحنيكالىق (تەحنولوگيالىق) شارتتاردىڭ بولۋى سۇيىتىلعان مۇناي گازىن بولشەك ساۋدادا وتكىزۋ شارتىن جاساسۋ جاعدايلارى بولىپ تابىلادى, ونىڭ ىشىندە تۇتىنۋشى تاراپىنان – گاز تۇتىنۋ جۇيەلەرىنە تەحنيكالىق قىزمەت كورسەتۋ جونىندەگى شارتتى جاساسقان گاز تۇتىنۋ جۇيەلەرىن (تەحنيكالىق شارتتار, گازبەن جابدىقتاۋ جوباسى, گاز تۇتىنۋ جابدىعىنا ارنالعان پاسپورتتارى) پايدالانۋ جونىندەگى رۇقسات قۇجاتتارىنىڭ بولۋى.
23. تۇرمىستىق جانە كوممۋنالدىق-تۇرمىستىق تۇتىنۋشىلارعا اۆتوموبيلدىك گاز تولتىرۋ ستانتسيالارى ارقىلى سۇيىتىلعان مۇناي گازىن بولشەك ساۋدادا وتكىزۋ ەسەپكە الۋ باقىلاۋ اسپاپتارى ارقىلى مىندەتتى تۇردە شارت جاساسپاي-اق جۇزەگە اسىرىلادى.
24. تۇرمىستىق جانە كوممۋنالدىق-تۇرمىستىق تۇتىنۋشىلارعا اۆتوموبيلدىك گاز تولتىرۋ ستانتسيالارى ارقىلى سۇيىتىلعان مۇناي گازىن بولشەك ساۋدادا وتكىزۋ كولەمدىك ادىسپەن (ليترمەن) جۇزەگە اسىرىلادى.
25. اۆتوموبيلدىك گاز تولتىرۋ ستانتسياسىنىڭ يەسى تۇتىنۋشىعا ساتىپ الىنعان سۇيىتىلعان مۇناي گازىنىڭ كولەمىن جانە ونىڭ قۇنىن راستايتىن قۇجاتتى (كاسسالىق, تاۋارلىق چەك) بەرەدى.
26. مىناداي:
1) ستاتسيونارلىق – كولىك قۇرالدارىنا گاز تاراتۋ كولونكالارى ارقىلى سۇيىتىلعان مۇناي گازىن تولتىرۋعا ارنالعان سۇيىتىلعان مۇناي گازدى ساقتاۋ بلوكتارىنىڭ جەراستىندا نە جەر ۇستىندە ورنالاسۋى;
2) قوزعالمالى – اۆتوموبيل شاسسيىندە, تىركەمەدە, بىرىڭعاي زاۋىت بۇيىمى رەتىندە ورىندالعان جارتىلاي تىركەمەدە بەكىتىلگەن ۇتقىر تەحنولوگيالىق جۇيە ۇلگىسىندە اۆتوموبيلدىك گاز تولتىرۋ ستانتسيالارى ارقىلى سۇيىتىلعان مۇناي گازىن بولشەك ساۋدادا وتكىزۋگە جول بەرىلەدى.
27. قوزعالمالى ۇلگىدەگى اۆتوگاز تولتىرۋ ستانتسيالارىنان سۇيىتىلعان مۇناي گازدى بولشەك ساۋدادا وتكىزۋگە كەنتتەردە, اۋىلداردا, سونداي-اق ەلدى مەكەننەن تىس جەردە جول بەرىلەدى.
28. قوزعالمالى ۇلگىدەگى اۆتوگاز تولتىرۋ ستانتسيالارى قاتتى جابىنى بار, جەكە كىرىپ-شىعا الاتىن, سونداي-اق ورتكە قارسى قۇرالدارمەن جابدىقتالعان الاڭداردا ورنالاسادى.
كولىك قۇرالدارىن قوزعالمالى ۇلگىدەگى اۆتوگاز تولتىرۋ ستانتسيالارىنان سۇيىتىلعان مۇناي گازىمەن تولتىرۋ سۇيىتىلعان كومىرسۋتەكتى گازدارىن پايدالانۋ كەزىندە ونەركاسىپتىك قاۋىپسىزدىك تالاپتارىنا سايكەس جۇزەگە اسىرىلادى.
29. تۇرمىستىق باللونداردا سۇيىتىلعان مۇناي گازىن بولشەك ساۋدادا وتكىزۋ گاز جەلىسى ۇيىمدارىمەن جانە گاز تولتىرۋ پۋنكتتەرىنىڭ يەلەرىمەن شارت جاساسپاي-اق جۇزەگە اسىرىلادى.
30. مىناداي:
1) زاۋىتتان شىعارىلعان تۇرمىستىق باللونداردى تولتىرۋ قوندىرعىسىمەن جابدىقتالعان سۇيىتىلعان مۇناي گازىن ساقتايتىن رەزەرۆۋارلاردىڭ جەر استىندا ورنالاسقان;
2) زاۋىتتان شىعارىلعان تۇرمىستىق باللونداردى تولتىرۋ قوندىرعىسىمەن جابدىقتالعان سۇيىتىلعان مۇناي گازىن ساقتايتىن رەزەرۆۋارلاردىڭ جەر ۇستىندە ورنالاسقان ستاتسيونارلىق تيپتەگى گاز تولتىرۋ پۋنكتتەرىنىڭ يەلەرى تۇرمىستىق باللونداردا سۇيىتىلعان مۇناي گازىن بولشەك ساۋدادا وتكىزۋگە جول بەرەدى.
31. اۆتوگاز تولتىرۋ ستانتسياسىن جانە گاز تولتىرۋ پۋنكتىن بىرىكتىرىپ ورنالاستىرۋ ءۇشىن ءبىر الاڭدى پايدالانۋعا جول بەرىلمەيدى.
32. ازاماتتارعا تۇرمىستىق باللوندارداعى گازدى ساتۋ ءوتىنىم بويىنشا شارت جاساسپاي-اق جۇزەگە اسىرىلادى.
گاز جەلىسى ۇيىمى نەمەسە گاز تولتىرۋ پۋنكتىنىڭ يەسى تۇرمىستىق تۇتىنۋشىعا ساتىلاتىن ءاربىر باللونعا ساپا كەپىلدىك تالونىن بەرەدى, باللونداردى تاۋارلىق بەلگىمەن تاڭبالاۋدى جۇزەگە اسىرادى, ساپا كەپىلدىك تالونىن بەرەدى.
33. گاز جەلىسى ۇيىمى نەمەسە گاز تولتىرۋ پۋنكتىنىڭ يەسى تولتىرىلاتىن گاز باللوندارىنا ەسەپ جۇرگىزەدى, ولارعا ءنومىر بەرەدى, گاز باللون قوندىرعىلارىنا اۆاريالىق جانە جوسپارلى قىزمەت كورسەتۋدى قامتاماسىز ەتەدى.
34. تۇتىنۋشى تۇرمىستىق باللونداردىڭ دۇرىس تەحنيكالىق جاي-كۇيىن قامتاماسىز ەتەتىن گاز جەلىسى ۇيىمىنان نەمەسە گاز تولتىرۋ پۋنكتىنىڭ يەسىنەن سۇيىتىلعان مۇناي گازى بار تۇرمىستىق باللونداردى ساتىپ الادى.
4. تاۋارلىق جانە سۇيىتىلعان مۇناي گازىن پايدالانۋ ءتارتىبى
35. تاۋارلىق جانە سۇيىتىلعان مۇناي گازىن پايدالانۋ ماقساتىنا قاراي, گازبەن جابدىقتاۋ جۇيەلەرى وبەكتىلەرىنىڭ قاۋىپسىزدىك قاعيدالارىنىڭ تالاپتارىن ەسكەرە وتىرىپ, جۇزەگە اسىرىلادى.
36. تاۋارلىق جانە سۇيىتىلعان مۇناي گازىن پايدالانۋ كەزىندە:
1) تۇرمىستىق تۇتىنۋشىلاردىڭ گاز تاراتۋ, گاز جەلىسى ۇيىمدارىنىڭ رۇقساتىنسىز ۇيلەرىن (پاتەرلەرىن, باقشاداعى ۇيلەرىن) ءوز بەتىنشە گازداندىرۋعا, گازبەن جابدىقتاۋ جۇيەسىن ءوز بەتىنشە قوسۋعا, ورنىن اۋىستىرۋعا, گاز جابدىقتارى مەن ەسەپكە الۋ اسپاپتارىن ءوز بەتىنشە مونتاجداۋعا جانە بولشەكتەۋگە, گاز جابدىقتارىن, ەسەپكە الۋ اسپاپتارىن اۋىستىرۋعا جانە جوندەۋگە, قوسىمشا جابدىقتاردى, ەسەپكە الۋ اسپاپتارىن مونتاجداۋعا;
2) گاز تاراتۋ نەمەسە گاز جەلىسى ۇيىمدارىنىڭ كەلىسىمىنسىز گاز اسپاپتارى ورناتىلعان ءۇي-جايلاردى قايتا جوسپارلاۋعا;
3) گاز اسپاپتارىنىڭ قۇرىلىستارىنا وزگەرىستەر ەنگىزۋگە;
4) تۇتىندىك جانە جەلدەتكىش جۇيەلەرىنىڭ قوندىرعىلارىن وزگەرتۋگە;
5) جەلدەتكىش ارنالارىن جەلىمدەۋگە, تۇتىندىكتەردى تازالاۋعا ارنالعان «قالتالار» مەن ليۋكتەردى بىتەۋگە;
6) قاۋىپسىزدىك جانە رەتتەۋ اۆتوماتيكاسىن سوندىرۋگە;
7) گاز اسپاپتارىنىڭ, اۆتوماتيكانىڭ, ارماتۋرالار مەن گاز باللوندارىنىڭ جارامسىزدىعى كەزىندە گازدى پايدالانۋعا;
8) گاز ورناتىلعان پەشتەر مەن تۇتىندىكتەر دۇرىس قالانباعاندا, سىلاقتارىندا جارىقشاقتار بولعاندا گازدى پايدالانۋعا;
9) تۇتىندىك پەن جەلدەتكىش كانالدارىن تەكسەرۋ جانە تازالاۋ تۋرالى اكتىنىڭ قولدانىلۋ مەرزىمى وتكەننەن كەيىن گازدى پايدالانۋعا;
10) گاز تاراتۋ نەمەسە گاز جەلىسى ۇيىمدارىنان وقۋدان وتپەي جانە رۇقسات الماي, تۇتىندىك پەن جەلدەتكىش كانالدارىن تازالاۋعا, تەكسەرۋگە, سونداي-اق گاز باللون قوندىرعىلارىنىڭ باللوندارىن الماستىرۋعا;
11) تۇتىندىك پەن جەلدەتكىش كانالدارىنىڭ اۋا تارتقىشتارى بولماعان كەزدە, جەلدەتكىشتەر (فرامۋگالار), جاليۋزي تورلارى, جەلدەتكىش كانالدارىنىڭ تورلارى جابىق بولعاندا گاز قۇرالدارىن پايدالانۋعا;
12) ۇزدىكسىز جۇمىس ىستەۋگە ەسەپتەلگەن جانە وسى ءۇشىن ءتيىستى اۆتوماتيكاسى بار جۇمىس ىستەپ تۇرعان گاز اسپاپتارىن قاراۋسىز قالدىرۋعا;
13) مەكتەپ جاسىنا دەيىنگى بالالاردىڭ, سونداي-اق ءوز ارەكەتتەرىن باقىلاي المايتىن جانە وسى قۇرالداردى پايدالانۋ قاعيدالارىن بىلمەيتىن تۇلعالاردىڭ گاز قۇرالدارىن پايدالانۋىنا;
14) گاز قۇبىرلارىنا ءجىپ بايلاۋعا جانە گاز قۇبىرلارىن جۇكتەۋگە;
15) گازدى جانە گاز اسپاپتارىن ماقساتقا ساي ەمەس پايدالانۋعا, گاز پليتالارىن ءۇي-جايلاردى جىلىتۋ ءۇشىن پايدالانۋعا;
16) گاز قۇرالدارى ورناتىلعان ءۇي-جايدى جىلىتۋ ءۇشىن پايدالانۋعا;
17) گاز قۇرالدارى ورناتىلعان ءۇي-جايلارى ۇيىقتاۋ جانە دەمالۋ ءۇشىن پايدالانۋعا;
18) گازدىڭ جىلىستاۋىن ايقىنداۋ ءۇشىن اشىق وتتى قولدانۋعا;
19) ءۇي-جايلار مەن جەرتولەلەردە بوس جانە سۇيىتىلعان مۇناي گازىمەن تولتىرىلعان گاز باللوندارىن ساقتاۋعا;
20) گازداندىرىلعان ءۇي-جايدا سىيىمدىلىعى 50 (55) ل. بولاتىن ءبىر باللوننان نەمەسە ارقايسىسىنىڭ سىيىمدىلىعى 27 ل. بولاتىن ەكى باللوننان ارتىق ورنالاستىرۋعا جول بەرىلمەيدى. باللوندار گاز اسپاپتارى بار جەردە تۇرۋى ءتيىس;
21) گازداندىرىلعان ءۇي-جايدا جىلۋ رادياتورى مەن پەشتەن كەمىندە 1 م. قاشىقتىقتا گازى بار باللونداردى ورناتۋعا جول بەرىلمەيدى. باللونداردى جىلۋدان قورعايتىن ەكران ورناتۋ كەزىندە باللوندار مەن جىلۋ قۇرىلعىلارىنىڭ اراقاشىقتىعى 0,5 م. دەيىن ازايتىلۋى مۇمكىن, ال ەكران مەن باللونداردىڭ اراقاشىقتىعى 10 سم. كەم بولماۋى ءتيىس;
22) باللونداردى وت جاناتىن پەشتەردىڭ ەسىكتەرىنە قارسى كەمىندە 2 م. قاشىقتىقتا قاراما-قارسى ورنالاستىرۋعا;
23) ءۇي-جايلاردا ورناتىلعان باللونداردى اۋىستىرۋ كەزىندە ەلەكتر جارىعىن قوسۋعا جانە اجىراتۋعا, اشىق وتتاردى, ەلەكتر جىلىتقىش اسپاپتارى مەن جىلىتۋ پەشتەرىن پايدالانۋعا;
24) كورسەتىلگەن جۇمىستاردى ورىنداۋعا بايلانىسى جوق تۇلعالاردىڭ قاتىسۋىمەن باللونداردى الماستىرۋعا جول بەرىلمەيدى.
37. تاۋارلىق گازدى ونىڭ كولەمىن ەسەپكە الماي وتكىزۋگە جانە پايدالانۋعا جول بەرىلمەيدى.
38. تاۋارلىق گازدىڭ كولەمىن ولشەۋ بىرلىگىن ەسەپكە الۋ ماقساتىندا تسەلسي بويىنشا 20 گرادۋس تەمپەراتۋرا جانە سىناپ باعانىنىڭ 760 مم. قىسىمى كەزىندە گازدىڭ ءبىر تەكشە مەترى قابىلدانادى.
39. ەگەر سىرتقى ورتانىڭ پارامەترلەرى وسى قاعيدالاردىڭ 38-تارماعىندا كورسەتىلگەندەردەن ەرەكشەلەنگەن جاعدايدا جەتكىزۋشى گازدىڭ جۇمىس پارامەترلەرىن ستاندارتتار شارتتارىنا كەلتىرۋ جولىمەن كوررەكتورلارسىز ەسەپكە الۋ اسپاپتارىنىڭ كورسەتكىشتەرىن قايتا ەسەپتەۋدى جۇزەگە اسىرادى.
40. سۇيىتىلعان مۇناي گازىن قابىلداۋ, ساقتاۋ, ساتۋ كەزىندە مىناداي ساقتاۋ ورىندارىندا:
1) گاز تولتىرۋ ستانتسياسىنىڭ (گاز تولتىرۋ پۋنكتىنىڭ) ساقتاۋ بازاسىنىڭ رەزەرۆۋارلارىندا;
2) تەحنولوگيالىق قۇبىر جولدارىندا;
3) تەمىر جول جانە اۆتوموبيل تسيستەرنالارىندا;
4) گاز باللوندارىندا (تولتىرۋ تسەحى, گاز تولتىرۋ ستانتسياسىنداعى دايىن ونىمدەردىڭ قويماسى (گاز تولتىرۋ پۋنكتىندە), باللونداردى اۋىستىرۋ پۋنكتى مەن پايدالانۋ قىزمەتتەرى);
5) توپتىق رەزەرۆۋارلىق قوندىرعىدا;
6) اۆتوگاز تولتىرۋ ستانتسيالارىندا ولاردى ەسەپكە الۋ جۇرگىزىلەدى.
41. ساقتاۋ ورىندارىندا سۇيىتىلعان مۇناي گازىن ەسەپكە الۋ ءتارتىبى كوممۋنالدىق شارۋاشىلىق سالاسىنداعى ۋاكىلەتتى ورگان بەكىتەتىن گاز تولتىرۋ ستانتسيالارىندا, گاز تولتىرۋ پۋنكتتەرىندە جانە توپتىق رەزەرۆۋارلىق قوندىرعىلاردا سۇيىتىلعان مۇناي گازىنىڭ شىعىستارىن ەسەپكە الۋ ادىستەمەسىمەن ايقىندالادى.
42. تۇرمىستىق تۇتىنۋشىلارمەن پايدالانىلاتىن تاۋارلىق گازدىڭ كولەمىن ەسەپكە الۋ:
1) جەكە ەسەپكە الۋ اسپاپتارى بويىنشا;
2) كوپپاتەرلى ۇيلەردە ۇجىمدىق ەسەپكە الۋ اسپاپتارى بويىنشا;
3) رەتتەۋىش نەمەسە گازرەتتەۋىش پۋنكتتەرىنىڭ شكافتارىندا ورناتىلعان كوپپاتەرلى ۇيلەردە ۇجىمدىق ەسەپكە الۋ اسپاپتارى بويىنشا;
4) تۇتىنۋ نورمالارى بويىنشا - جەكە نەمەسە ۇجىمدىق ەسەپكە الۋ قۇرالدارى بولماعان جاعدايدا, ولاردىڭ جارامسىزدىعى نە گاز جابدىقتارى پارامەترلەرىنە سايكەسسىزدىگى جاعدايىندا جۇرگىزىلەدى.
43. وندىرىستىك جانە كوممۋنالدىق-تۇرمىستىق تۇتىنۋشىلار پايدالاناتىن تاۋارلىق گاز كولەمىن ەسەپكە الۋ:
1) تاۋارلىق گازدى قابىلداۋ (جەتكىزۋ) پۋنكتتەرىندە ورناتىلعان ەسەپكە الۋ اسپاپتارى بويىنشا;
2) گاز تۇتىنۋ جابدىقتارىنىڭ قۋاتى بويىنشا – ەسەپكە الۋ اسپاپتارى بولماعان جاعدايدا, ولاردىڭ جارامسىزدىعى نە گاز جابدىقتارى پارامەترلەرىنە سايكەسسىزدىگى جاعدايىندا جۇرگىزىلەدى.
44. توپتىق رەزەرۆۋارلىق قوندىرعىلار ارقىلى تۇرمىستىق تۇتىنۋشىلار وتكىزەتىن سۇيىتىلعان مۇناي گازىن ەسەپكە الۋ, كولەمدى ادىسپەن جۇرگىزىلەدى:
1) جەكە ەسەپكە الۋ اسپاپتارى بويىنشا;
2) تۇتىنۋ نورمالارى بويىنشا - جەكە ەسەپتەۋ قۇرالدارى بولماعان جاعدايدا, ولاردىڭ جارامسىزدىعى نە گاز جابدىقتارى پارامەترلەرىنە سايكەسسىزدىگى جاعدايىندا جۇرگىزىلەدى.
45. توپتىق رەزەرۆۋارلىق قوندىرعىلار ارقىلى سۇيىتىلعان مۇناي گازىن تۇتىنۋدى ەسەپتەۋ بىرلىگى تەكشە مەتر بولىپ تابىلادى.
وندىرىستىك نەمەسە كوممۋنالدىق-تۇرمىستىق تۇتىنۋشىلار پايدالاناتىن سۇيىتىلعان مۇناي گاز كولەمىن ەسەپكە الۋ:
1) جەكە ەسەپكە الۋ اسپاپتارى بويىنشا;
2) گاز جابدىعىنىڭ قۋاتى بويىنشا – ەسەپكە الۋ اسپابى بولماعان كەزدە, ولار بۇزىلعان نە گاز جابدىعىنىڭ پارامەترلەرىنە سايكەس كەلمەگەن كەزدە.
46. تۇرمىستىق تۇتىنۋشىنىڭ كىناسى بويىنشا دالەلدى سەبەپتەرسىز قاتارىنان ەكى ەسەپتىلىك كەزەڭ ىشىندە ەسەپكە الۋ اسپاپتارىنىڭ كورسەتكىشتەرىن الۋ مۇمكىن بولماعان كەزدە جانە بۇل رەتتە تۇرمىستىق تۇتىنۋشى جەتكىزۋشىگە ءوزى تۇتىنعان گاز كولەمى تۋرالى مالىمەت بەرمەسە, جەتكىزۋشى تۇرمىستىق تۇتىنۋشىعا تۇتىنۋدىڭ قولدانىستاعى نورمالارى بويىنشا ەسەپ جۇرگىزە الادى.
47. جەتكىزۋشىنىڭ وكىلدەرىمەن گازبەن جابدىقتاۋعا ءوز بەتىنشە قوسىلعانى, ەسەپكە الۋ اسپابىن اينالىپ ءوتىپ ورناتىلعان گاز جابدىعىنىڭ قۋاتىن, گازدى تۇتىنۋدى ارتتىرعانى, بۇزىلعانى, پلومبانىڭ بۇزىلۋى, گازبەن جابدىقتاۋ سحەماسىن وزگەرتۋ تابىلعان جاعدايدا, تۇتىنۋشىنىڭ گازدى سانكتسياسىز الۋىنا (ۇرلاۋىنا) مۇمكىندىك تۋدىراتىن كورسەتكىشتەردى بۇرمالاۋ ماقساتىندا ەسەپكە الۋ اسپابىنا قانداي دا ءبىر اسەر بولعاندا, ولاردى تابۋ جەتكىزۋشى وكىلىنىڭ بۇرىنعى كەلۋلەرىندە مۇمكىن بولماعان كەزدە, جەتكىزۋشى ەسەپكە الۋ اسپاپتارىن جانە (نەمەسە) ولاردى قوسۋ سحەماسىن سوڭعى تەكسەرۋ كۇنىنەن باستاپ وتكەن كەزەڭگە, بىراق قىرىق مەرزىمى وتكەن كۇننەن اسپايتىن كەزەڭدە تۇتىنۋشىنىڭ ورناتىلعان گاز تۇتىنۋ جابدىعىنىڭ قۋاتى بويىنشا گاز شىعىسىن قايتا ەسەپتەۋگە قۇقىلى.
48. تۇتىنۋشى جازباشا تۇردە جەتكىزۋشىنى جاي-كۇيى تۋرالى جانە گاز تۇتىنۋ كولەمى مەن ونى تولەۋدە كورسەتىلگەن دەرەكتەردىڭ وزگەرۋى تۋرالى (تۇراتىن ادام سانىنىڭ وزگەرۋى, جىلىتىلاتىن الاڭنىڭ كولەمى, گاز جابدىعىنىڭ قۋاتى) حاباردار ەتەدى. تۇتىنۋشى بولعان وزگەرىستەر تۋرالى حابارلاماعان جاعدايدا جانە ەسەپكە الۋ اسپابىنسىز گازدى تۇتىنعان جاعدايدا نە گاز جابدىعىنىڭ پارامەترلەرى سايكەس كەلمەگەن جاعدايدا, تۇتىنىلعان گاز كولەمى جەتكىزۋشىدە بار دەرەكتەر بويىنشا ەسەپتەلەدى.
تولەمدى قايتا ەسەپتەۋگە اكەپ سوقتىراتىن بارلىق وزگەرىستەر تۇتىنۋشى راستاۋ قۇجاتتارىن قوسا بەرە وتىرىپ, ءتيىستى ءوتىنىشىن بەرگەن ساتتەن باستاپ جۇزەگە اسىرىلادى.
49. ەسەپكە الۋ اسپاپتارىن ورناتۋ وسى قاعيدالاردىڭ جانە قولدانىستاعى نورماتيۆتىك تەحنيكالىق قۇجاتتاردىڭ تالاپتارىندا كوزدەلگەن تارتىپتە ورىندالادى. ورناتىلعان ەسەپكە الۋ اسپابى تۇتىنۋشىعا تاۋارلىق نە سۇيىتىلعان مۇناي گازىن جەتكىزەتىن گاز تاراتۋ نەمەسە گاز جەلىسى ۇيىمىندا مىندەتتى تىركەۋدەن وتەدى, اكتى جاسالىپ, وندا ەسەپكە الۋ اسپابىنىڭ باستاپقى كورسەتكىشتەرى, اسپاپتىڭ ماركاسى مەن باسقا دا قاجەتتى مالىمەتتەر كورسەتىلەدى.
50. ەسەپكە الۋ اسپاپتارىندا باستاپقى نەمەسە مەرزىمدى تەكسەرۋ تۋرالى تاڭبا بولادى.
51. ەسەپكە الۋ اسپاپتارىن ۇستاۋدى, تەحنيكالىق قىزمەت كورسەتۋدى جانە تەكسەرۋدى ەسەپكە الۋ اسپابىنىڭ يەسى جۇزەگە اسىرادى. ەسەپكە الۋ اسپاپتارىنا تەحنيكالىق قىزمەت كورسەتۋدى مەنشىك يەسىمەن جاسالعان شارت بويىنشا گاز تاراتۋ, گاز جەلىسى ۇيىمى نەمەسە وزگە دە مامانداندىرىلعان ۇيىم جۇرگىزۋى مۇمكىن.
52. ەسەپكە الۋ اسپاپتارىن تەكسەرۋ تەحنيكالىق رەتتەۋ جانە مەترولوگيا سالاسىنداعى مەملەكەتتىك رەتتەۋدى جۇزەگە اسىراتىن ۋاكىلەتتى ورگان بەكىتكەن ولشەم بىرلىگىن قامتاماسىز ەتۋ مەملەكەتتىك جۇيەسىنىڭ ءتىزىلىمىندە كورسەتىلگەن مەرزىمدە اسپاپتاعى تەكسەرۋ ارالىعىنداعى ارالىققا سايكەس, سونداي-اق مۇددەلى تاراپتاردىڭ ءبىرىنىڭ ءوتىنىشى بويىنشا ولاردىڭ كورسەتكىشتەرىنىڭ دۇرىستىعىنا كۇمان بولعان جاعدايدا جۇرگىزىلەدى.
53. ەسەپكە الۋ اسپاپتارىن تەكسەرۋ مەرزىمىنىڭ ۋاقىتىن وتكىزىپ العاندا, تۇتىنىلعان گازدىڭ كولەمىن ەسەپتەۋ مىناداي تارتىپپەن:
1) تۇرمىستىق تۇتىنۋشىلار ءۇشىن – تۇتىنۋ نورماسى بويىنشا;
2) ونەركاسىپتىك جانە كوممۋنالدىق-تۇرمىستىق تۇتىنۋشىلار ءۇشىن – گاز جابدىعىنىڭ قۋاتى بويىنشا جۇرگىزىلەدى.
54. گازدى ەسەپكە الۋ اسپابى تۇتىنۋشىلاردا كىرەبەرىستەردە, باسقىش الاڭدارىندا, دالىزدە, جەكە پاتەرلەردە, جەكە ۇيلەردە ورناتىلۋى مۇمكىن. تۇتىنۋشىلاردىڭ گاز تاراتۋ نەمەسە گاز جەلىسى ۇيىمدارىنىڭ قىزمەتكەرلەرىنە گازدى ەسەپكە الۋ اسپاپتارىنا ەركىن كىرۋگە بوگەت جاساۋلارىنا جول بەرىلمەيدى.
55. گازدى ەسەپكە الۋ اسپاپتارىندا ەسەپتەۋ تەتىگىنىڭ قاپتاما بەكىتپەسىندە گاز تاراتۋ نەمەسە گاز جەلىسى ۇيىمىنىڭ پلومباسى بولادى.
56. تۇتىنۋشىلاردىڭ گاز تاراتۋ نەمەسە گاز جەلىسى ۇيىمى پلومباسىنىڭ تۇتاستىعىن بۇزۋىنا جول بەرىلمەيدى.
57. گازدى ەسەپكە الۋ سحەماسىن وزگەرتۋگە نەمەسە بۇزۋعا بايلانىستى جۇمىستاردىڭ كەز كەلگەن تۇرلەرىن جۇرگىزگەن كەزدە تۇتىنۋشى جۇمىستى باستاماس بۇرىن وسى تۋرالى جازباشا تۇردە گاز تاراتۋ نەمەسە گاز جەلىسى ۇيىمىن حاباردار ەتەدى جانە ءتيىستى رۇقسات الادى.
58. گاز بەرۋدى توقتاتۋ جانە قايتا باستاۋ تۇتىنۋشىمەن جاسالعان شارتقا
جانە قازاقستان رەسپۋبليكاسىنىڭ قولدانىستاعى زاڭناماسىنا سايكەس جۇرگىزىلەدى.
59. ءۇيدىڭ مەنشىك يەسىنىڭ نەمەسە كوندومينيۋم وبەكتىسى باسشىسىنىڭ نيەتى بويىنشا جەكە پاتەرلەرگە, كىرەبەرىستەرگە گاز بەرۋدى توقتاتا تۇرۋدى, گاز باعانىن نەمەسە كوپقاباتتى تۇرعىن ۇيلەردىڭ جەكەلەگەن پاتەرلەرىن گازدان اعىتۋدى ولاردىڭ جازباشا ءوتىنىشى بويىنشا گاز تاسىمالداۋ, گاز تاراتۋ نەمەسە گاز جەلىسى ۇيىمى جۇرگىزەدى.
60. گاز تاسىمالداۋ, گاز تاراتۋ نەمەسە گاز جەلىسى ۇيىمى بىرجاقتى تارتىپپەن تۇتىنۋشىعا تاۋارلىق نەمەسە سۇيىتىلعان مۇناي گازىن بەرۋدى بۇزىلىستاردى جويعانعا دەيىن مىناداي جاعدايلاردا:
1) تۇتىنۋشى گازبەن جابدىقتاۋ جۇيەلەرى وبەكتىلەرىنىڭ قاۋىپسىزدىك تالاپتارىن بۇزعاندا;
2) تۇتىنۋشى گاز جابدىعىن ءوز ەركىمەن قوسقاندا;
3) گازبەن جابدىقتاۋ جۇيەسى وبەكتىلەرى تەحنيكالىق ىستەن شىققاندا توقتاتادى.
61. جابدىقتاردى جوندەۋ جانە جاڭا تۇتىنۋشىلاردى قوسۋ جونىندەگى جوسپارلى جۇمىستاردى جۇرگىزۋ ءۇشىن تاۋارلىق نەمەسە سۇيىتىلعان مۇناي گازىن بەرۋدى توقتاتۋ تۋرالى گاز تاسىمالداۋ, گاز تاراتۋ نەمەسە گاز جەلىسى ۇيىمى تۇتىنۋشىنى اعىتۋعا دەيىن كەمىندە قىرىق سەگىز ساعاتتان كەشىكتىرمەي ەسكەرتەدى.
62. جەتكىزۋشى تۇتىنۋشىنى الدىن الا حاباردار ەتە وتىرىپ, گاز بەرۋدى مىناداي جاعدايلاردا توقتاتادى:
1) تاۋارلىق جانە سۇيىتىلعان مۇناي گازىن بولشەك ساۋدادا وتكىزۋ شارتىنا سايكەس بەرىلگەن تاۋارلىق جانە سۇيىتىلعان مۇناي گازى ءۇشىن دەبيتورلىق بەرەشەكتىڭ بولۋى;
2) گاز تاراتۋ نەمەسە گاز جەلىسى ۇيىمىنىڭ وكىلدەرىن گاز قۇبىرلارىنا, گاز جابدىعى مەن ەسەپكە الۋ اسپاپتارىنا جىبەرمەۋ.
گاز بەرۋدى توقتاتۋ جەتكىزۋشى تۇتىنۋشىعا جازباشا حابارلاما جىبەرگەن كۇننەن باستاپ كەمىندە كۇنتىزبەلىك ءۇش كۇننەن كەشىكتىرمەي جۇزەگە اسىرىلادى.
63. گاز بەرۋدى قايتا باستاۋ وسى قاعيدالاردىڭ 60 جانە 62-تارماقتارىندا اتالعان گاز جەتكىزۋدى توقتاتۋدى تۋدىرعان سەبەپتەردى تۇتىنۋشى جويعاننان كەيىن, سونداي-اق گازدى بولشەك ساۋدادا وتكىزۋ شارتىنا سايكەس تۇراقسىزدىق تولەمىنىڭ بەرەشەگى وتەلگەن سوڭ جۇرگىزىلەدى.
جوسپارلى قوساتىن كۇن تۋرالى گاز تاسىمالداۋ, گاز تاراتۋ نەمەسە گاز جەلىسى ۇيىمى تۇتىنۋشىنى گازدى بەرۋدى قايتا باستاۋ تۋرالى شەشىم قابىلدانعان كۇنى حاباردار ەتەدى. تۇتىنۋشىنى اجىراتۋ سەبەبى جويىلعاننان كەيىن گازدى بەرۋدى قايتا باستاۋدىڭ شەكتى مەرزىمدەرى گازدى بەرۋدى قايتا باستاۋ تۋرالى شەشىم قابىلدانعان كۇننەن باستاپ بەس جۇمىس كۇنىنەن اسپايدى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2014 جىلعى 5 جەلتوقساندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №9936 بولىپ ەنگىزىلدى.